შენგელია სასტარტო ხუთეულში

17 წლის ქართველი კალათბურთელი თორნიკე შენგელია ესპანურ საკალათბურთო პამესა ვალენსიას შემადგენლობაში მკვიდრდება. ესპანური ჩემპიონატის 23-ე ტურში რიკო მანრესასთან გასვლით მატჩში ვალენსიელთა მთავარმა მწვრთნელმა ნევენ სპეჰიამ შენგელია სასტარტო ხუთეულში ათამაშა და ქართველმა კალათბურთელმა 3 ქულა, 2მოხსნა, 1 პასი და 1 ჩაჭრა მოაგროვა.
შენგელიამ 2-დან 1 ორქულიანი და 1 საჯარიმო ჩააგდო, მსაჯებს კი 2 პერსონალური ფოლი დასტყუა. პამესას რიგენში დიდად არც ერთი კალათბურთელი გამორჩეულა. ამ ფონზე სტუმართა შორის საუკეთესო პეროვიჩს მხოლოდ 12 ქულა მოუგროვდა. შენგელიას კლუბი 12 მოგებით მე-7 ადგილზეა.

მერებაშვილი ფორმაშია

ეროვნული ჩემპიონატის XIX ტურში, გათამაშების ერთ-ერთმა საუკეთესო ფეხბურთელმა გიორგი მერებაშვილმა ჰეთ-თრიქი შეასრულა. თანაც “დინამოს” იმედმა ყველა გოლი სხვადასხვა სტილში გაიტანა.

ეფექტური გოლით მოაგებინა “ზესტაფონს” ლევან მელქაძემ. ეს, ქართულ საფეხბურთო არენაზე დაბრუნების შემდეგ, იმერელთა ფორვარდის სადებიუტო გოლია.

ტრადიციები არ დაარღვიეს “მესხეთმა” და “მგლებმა” – პირველს გოლი ზედიზედ მე-6 მატჩში ვერ გააქვს, მეორემ კი, ასევე მიყოლებით მეხუთედ ვერ მოიგო.

პრეზიდენტმა სამტრედიაში ახალი ხიდი გახსნა

სამტრედიის რაიონში სოფელ დაფნარში სარკინიგზო მაგისტრალზე ახალი ხიდი გაიხსნა. თანამედრივე თექნოლოგიებით აშენებული ხიდი პირველია ამიერ კავკასიაში

მისი საყრდენი ბურჯები წყალში 22 მეტრის სიღრმეზეა . ახალი ხიდის სიგრძე 283 მეტრია. სამუშაოები მთლიანად ქართულმა კომპანიებმა შეასრულეს.

`პირველი ფინანსური სიძნელეების დროს იყო კამათი, უნდა გაგვეჩერებინა თუ არა ასეთი პროექტები და მე ვთქვი მაშინ, რომ არ შეიძლება ასეთი პროექტების გაჩერება, რადგან აქ ხალხია დასაქმებული, მეორე, ეს კვალიფიკაციის ამაღლებაა ქართველი სპეციალისტებისათვის, და მესამეც, ასეთი პროექტების გაჩერება იქნება სიკვდილის ტოლფასი ქართული ეკონომიკისთვის,` – განაცხადა მიხეილ სააკაშვილმა.

რუსეთი აღიარებს რომ საქართველო იყოს თავისუფალი ქვეყანა

საქართველოს პრეზიდენტმა მიხეილ სააკაშვილმა გამოთქმა რწმენა რომ აფხაზეთი და სამხრეთ ოსეთი მშვიდობიანი გზით დაუბრუნდება საქართველოს და რუსეთი აღიარებს რომ საქართველო იყოს დამოუკიდებელი ქვეყანა

მსოფლიო კრიზისი

როგორც უკვე თქვენ ხედავთ ძლიერი ეკონომიური კრიზისი დაიწყო და ბანკები იძირებიან სახლების ფასები იაფთება და უკვე საქართველომაც კი აღიარა ეკონომიური კრიზისი ბოლო რამოდენიმე თვის განმავლობაში ჯერ პრემიერ მინისტრმა აღიარა. ”საქართველოს რთული ეკონომიკური წელიწადი ელოდება” ასე აღიარა მიხეილ სააკაშვილმე ვარდების რევოლუციის 5 წლის თავზე თბილისის ვაგონშემკეთებელი ქარხნის თანამშრომლებთან შეხვედრისას განაცხადა. მისი თქმით საქართველოში ბევრ სამუშაო ადგილს საფრთხე ემუქრება მაგრამ მიხეილ სააკაშვილმა მოგვიწოდა მოთმინებისა და გამძლეობისკენ . სააკაშვილის განცხადებით, ეს ყველაფერი მსოფლიოში არსებული ეკონომიკური კრიზისის შედეგია.

“მსოფლიოში სულ უფრო მეტი მსხვილი კომპანია იხურება. ამ ფონზე ჩვენს ეკონომიკას მეტი გახსნილობა, თავისუფლება და მოქნილობა სჭირდება“ ამ სიტყვებით აღნიშნა პრეზიდენტმა რომ მსხვილ სამშენებლო კომპანიებსა , ამოვუდგეთ გვერდში და მივცეთ მათ სტიმული სადაც ადამიანების დასაქმების დიდი შანსია.

ირლანდია 2:1 საქართველო

გუშინ საქართველოს ეროვნულმა ნაკრებმა მსოფლიოს 2010 წლის ჩემპიონატის შესარჩევ ტურნირში რიგით მეხუთე შეხვედრა ჩაატარა ირლანდიის დედაქალაქ დუბლინში: ექტორ რაულ კუპერის გუნდი მასპინძლებთან 1:2 დამარცხდა.

საქართველოს ნაკრებმა პირველივე წუთზე გახსნა ანგარიში: უჩა ლობჟანიძის მიერ ფლანგიდან ჩაწოდებული ბურთი დავით სირაძემ ალექსანდრე იაშვილს თავით დაუგდო, რომელმაც მეკარის და მცველების შეუთანხმებელი თამაშით ისარგებლა და ირლანდიის ნაკრების კარი დალაშქრა – 0:1. პირველი ტაიმი საქართველოს ნაკრებმა 1:0 მოიგო.

მეორე ნახევარში მასპინძლები გააქტიურდნენ, 73-ე წუთზე კი ფინელმა არბიტრმა იუნი ჰუუტიამ ჩათვალა, რომ ლობჟანიძემ საჯარიმოში ხელით ითამაშა და საქართველოს ნაკრების კარში პენალტი დანიშნა. რობი კინმა ანგარიშის გათანაბრების შანსი ხელიდან არ გაუშვა – 1:1. 75-ე წუთზე მასპინძლებმა მეორე გოლი გაიტანეს: რობი კინმა კუთხურისას იაქტიურა და თავური დარტყმით შეარხია ქართველთა კარი ბადე – 2:1.

მეტოქეებმა კიდევ თითო გოლი გაიტანეს, რომლებიც თამაშგარე მდგომარეობის გამო არ ჩაითვალა. საქართველოს ნაკრებს ორჯერ შეეძლო გოლის გატანა, თუმცა ალექსანდრე იაშვილის და ლევან კობიაშვილის სახიფათო დარტყმები შეი გივენმა მოიგერია. თავის მხრივ, რამდენიმე შემთხვევაში ძალიან საიმედოდ ითამაშა გიორგი ლომაიამ.